საზეიმო შეხვედრა სტუდენტებთან

2017 წლის 22 სექტემბერი.

ახალი სასწავლო წლის დაწყებისათვის მზადებასთან დაკავშირებით ბათუმის სამედიცინო აკადემიის ადმინისტრაციის შეხვედრა პროფესიული განათლების მასწავლებლებთან 

შეხვედრა ევროკავშირის განათლების ფონდია წარმომადგენლებთან

            19 სექტემბერს  ბათუმის სამედიცინო აკადემიამ მონაწილეობა მიიღო ევროკავშირის განათლების ფონდის (“ევროპის საგანმანათლებლო ფონდი - ETF”)წარმომადგენლებთან შეხვედრაში. რომელიც გაიმართა ბათუმის საზღვაო აკადემიაში. შეხვედრაში ბათუმის სამედიცინო აკადემიიდან  მონაწილეობას იღებდნენ შორენა უზუანაძე (დირექტორის მოადგილე), მზია ბაკურიძე (სტრატეგიული განვითარებისა და ხარისხის უზრუნველყოფის მენეჯერი), ინგა შალამბერიძე (სასწავლო პროცესის მართვის მენეჯერი). როგორც შეხვედრაზე აღინიშნა, „ევროპის საგანამანათლებლო ფონდის“ წარმომადგენელთა ვიზიტის მიზანია დაეხმარონ  ევროკავშირის პარტნიორ ქვეყნებს ახალი პროფესიული პროგრამების  შემუშავებასა და განხორციელებაში, საქართველოში  პროფესიული განათლების მდგომარეობის შესწავლა, საჯარო და კერძო პროფესიულ სასწავლებელში არსებული პრობლემების გაცნობა. ითქვა, რომ სასწავლებლებს დაეხმარებიან სახელმწიფო სტრუქტურებთან დარგის პრობლემების მოგვარებაში. სამედიცინო აკადემიიდან მონაწილეთა მხრივ  აღინიშნა პროფესიულ განათლებაში არსებული ჩიხების  შესახებ, - რომ დღემდე  გადაუწყვეტელია პროფესიული სტუდენტის მიერ უწყვეტი განათლების  მიღების  შესაძლებლობა. რაც პროფესიულ განათლებას  აკარგვინებს მიმზიდველობას. ითქვა პროფესიული განათლების კადრებით დამსქმებელთა მხრივ პრობლემის შესახებ. დამსაქმებლები ვაკანსიაზე  ითხოვენ უმაღლესი განათლების მქონეთ.   ასევე დღემდე გადაუჭრელია კერძო პროფესიული სასწავლებლების  სტუდენტთა ბიუჯეტიდან  დაფინანსების საკითხი. პროფესიულ სასწავლებელთა არასამართლიანი დაფინანსება ქვეყანაში  ქმნის არაკონკურენტუნარიან გარემოს. ითქვა, რომ  არსებული  პრობლემები, ჩიხები ხელს უშლის  პროფესიულ განათლების, განსაკუთრებით კერძო პროფესიულ სასწავლებელთა განვითარებას. 

მზადება სასწავლო წლის დასაწყებად.

              ბათუმის სამედიცინო აკადემიაში გაიმართა ადმინისტრაციული პერსონალის სამუშაო თათბირი. განხილული იქნა ახალი სასწავლო წლისათვის მზადების მდგომარეობა. თათბირს უძღვებოდა  აკადემიის დირექტორი რევაზ უზუნაძე. განხილული  იქნა  სასწავლო წლის პირველი პერიოდის  კალენდარული გეგმა. გრაფიკი  (წარმოადგინა სასწავლო პროცესის მართვის  მენეჯერმა ინგა შალამბერიძემ). დაევალათ შესაბამის სამსახურებს პროფესიული მასწავლებლებისათვის მათი გაცნობა. სასწავლო პროცესის რეგულირების საკითხებში კომპეტენციის ასამაღლებლად დაიგეგმა პედაგოგთა ტრენინგი. მზია ბაკურიძემ (სტრატეგიული განვითარებისა და ხარისხის უზრუნველყოფის მენეჯერი) წარმოადგინა აკადემიის 2017-2018 სასწავლო წლის  სამოქმედო გეგმა. ისაუბრა განათლების ხარისხის განვითარების ეროვნული ცენტრის დირექტორის 2017 წ. 16 აგვისტოს #510  ბრძანებიდან გამომდინარე აკადემიის  პროფესიულ  საგანმანათლებლო  პროგრამებში განხორციელებული ცვლილებების თაობაზე. შორენა უზუნაძემ (დირექტორის მოადგილე) წარმოადგინა  ინფორმაცია 25 სექტემბერს სასწავლო წლის დასაწყებად  მოსამზადებელი სამუშაოების შესახებ, რომ ეს დღე იყოს ყველასთვის ცოდნის ზეიმი. თითოეულ პერსონალს მიეცა შესაბამისი დავალება.

სტუმარი  აკადემიაში

          15 სექტემებერს ბათუმის სამედიცინო აკადემიას ეწვია საზოგადოებრივი კოლეჯის  „სიოს“ დირექტორი, განათლების ხარისხის  განვითარების ეროვნული ცენტრის  ექსპერტი სალომე სორდია. კოლეგა-სტუმარი გაეცნო აკადემიის მუშაობას, მოხდა აზრთა ურთიერთ გაზიარება. ხარისხის განვითარების ეროვნული ცენტრის დირექტორის 2017 წ. 16 აგვისტოს #510 და 512 ბრძანებებით, მოდულურ პროგრამებში  შეტანილი ცვლილებებიდან გამომდინარე განსახორციელებელ ქმედებებთან დაკავშირებით. გამოითქვა მზაობა კოლეჯ „სიოსა“ და ბათუმის სამედიცინო აკადემიას შორის სხვადასხვა მიმართულებით, ურთიერთ თანამშრომლობის  შესახებ. შეხვედრაში სამედიცინო აკადემიიდან მონაწილეობას ღებულობდნენ რევაზ უზუნაძე (დირექტორი), ინგა შალამბერიძე (სასწავლო პროცესის მართვის მნეჯერი)

გარე მხარდაჭერის სპეციალისტის ვიზიტი აკადმიაში

               მოდულურ საგანმანათლებლო პროგრამების დანერგვის ხელშეწყობის  ფარგლებში, მ/წლის 6-8 სექტემბერს, ბათუმის სამედიცინო აკადემიაში ვიზიტით იმყოფებოდა  ხარისხის განვითარების ეროვნული  ცენტრის  მოდულური პროგრამების  დანერგვის მხარდაჭერის ექსპერტი ქეთევან ლომაია. ვიზიტის მიზანდასახულობიდან გამომდინარე საუბარი იყო, განათლების ხარისხის განვითარების ეროვნული ცენტრის დირექტორის  2017 წლის 16 აგვისტოს  ბრძანების  საფუძველზე აკადემიაში მოქმედ „ფარმაცევტის  თანაშემწის“ და „პრაქტიკოსი ექთნის“ მოდულურ პროგრამებში ცვლილებების შეტანის წესის, პროცედურების თაობაზე. ექსპერტის რეკომენდაციით დაიგეგმა ცვლილებები არჩევით მოდულებში. იყო რჩევები აპლიკანტებისადმი ქართული ენის კომპეტენციის დადასტურების შესახებ. გაეცნო სტრატეგიული განვითარების 2017-2018 ს/წლის  სამოქმედო გეგმას, აკადემიის დებულებას, სასწავლებლის მზადებას ახალი სასწავლო წლისათვის, საგანმანათლებლო საქმიანობასთან დაკავშირებულ მასალებს. ქალბატონ ქეთევანის ვიზიტმა ჩაიარა გამოცდილების, აზრთა ურთიერთგაზიარების, ჭეშმარიტად კონსულტირების რეჟიმში. შეხვედრაში აკადემიიდან მონაწილეობას ღებულობდნენ, - რევაზ უზუნაძე (დირექტორი), შორენა უზუნაძე (დირექტორის მოადგილე),  ინგა შალამბერიძე (სასწავლო პროცესის მართვის მენჯერი), მზია ბაკურიძე (სტრატეგიული განვითარებისა და ხარისხის უზრუნველყოფის მენეჯერი), ნარგიზ ბუცხრიკიძე (პროფესიული მასწავლებელი), დარეჯან უგულავა (საქმის წარმოებისა და ადამიანური რესურსების მენეჯერი), ნანა მატუა (ფინანსური მენეჯერი).

დოქტორანტი აკადემიელი

                სულ ახლახან ბათუმის სამედიცინო აკადემიაში მოვიდა სასიხარულო ცნობა, - აკადემიის პროფესიული მასწავლებელი  ბიოლოგიის მაგისტრი სოფიო ბრუნჯაძე გახდა ბათუმის სახელმწიფო უნივერსიტეტის  დოქტორანტი. მან წარმატებით  გაიარა  დოქტურანტურაში ჩარიცხვის  ეტაპები. იგი  10 წელია მუშაობს აკადემიაში. სოფიკო არის წარმატებული პედაგოგი. აქტიურადაა  ჩართული აკადემიის საქმიანობაში. ხელმძღვანელობს სტუდენტთა გაერთიანებას. გამოირჩევა კვლევითი  მუშაობის კარგი უნარით. მისი ხელმძღვანელობით სტუდენტების მიერ მომზადებულმა  თემებმა არაერთხელ მოიპოვეს  საპრიზო  ადგილები აკადემიის  სტუდენტთა, რესპუბლიკურ თუ საერთაშორისო კონფერენციებზე. დარწმუნებული ვართ სოფიკო ასეთივე  წარმატებით მიაღწევს დასახულ მიზანს და მოიპოვებს დოქტორანტის სამეცნიერო ხარისხს. სოფიო ბრუნჯაძის სახით დარგს შეემატება კარგი პროფესიონალი. 

აკადემიის მონაწილეობა ქუთაისში გამართულ სემინარის მუშაობაში

განათლების ხარისხის განვითარების ეროვნული ცენტრის პროფესიული განათლების ხარისხის უზრუნველყოფის სამსახურის ორგანიზებით, პროფესიული საგანმანათლებლო პროგრამების განმახორციელებელი დაწესებულებელისათვის, მ/წლის 3–4 აგვისტოს ქუთაისში გაიმართა სემინარი.ბათუმის სამედიცინო აკადემიიდან სემინარის მუშაობაში მონაწილეობდა სასწავლო პროცესების მართვის მენეჯერი ინგა შალამბერიძე. სემინარზე ყურადღება დაეთმო – მოდულური პროგრამების შემუშავებას, მათ შორის დუალური პროგრამით მათი განხორციელების, ხარისხის შიდა მექანიზმების ეფექტურობი გაძლიერებას, მოდულური პროგრამების დანერგვისა და განხორციელების, ავტორიზაციის სტანდარტებთან,   პროცედურებთან  დაკავშირებულ საკითხებს. სემინარი გარკვეულად მიმდინარეობდა კითხვა–პასუხის რეჟიმში. იყო რეკომენდაციები,  სტუდენტის მტკიცებულებებთან დაკავშირებით ითქვა, რომ სასწავლებელს აქვს უფლება, კვალიფიკაციის მინიჭების შემდეგ არ შეინახოს კურსდამთავრებულთა მტკიცებულებები. განხილულ საკითხებზე ჩატარდა დაწესებულების წარმომადგენელთა ტესტური გამოკითხვა. ყველაზე წარმატებული აღმოჩნდა აკადემიის წარმომადგენელი ინგა შალამბერიძე, რისთვისაც მან დაიმსახურა შექება და აპლოდისმენტები.სემინარი იყო საინტერესო და მიღებული ინფორმაცია დაეხმარება სასწავლებელს ახალი მოდულური პროგრამების დანერგვასა და არსებულის უკეთ განხორციელებაში.