სანტას ,,სტუმრობა" ბათუმის სამედიცინო აკადემიაში.

შეხვედრა სავაჭრო-სამრეწველო პალატის წარმომადგენლებთან

         საქართველოს და აჭარის ა.რ. სავაჭრო-სამრეწველო პალატის ორგანიზებით 24 დეკემბერს სასტუმრო „ჰილტონში“ გაიმართა შეხვედრა აჭარის რეგიონის პროფესიულ- საგანმანათლებლო დაწესებულებათა წარმომადგენლებთან, დამსაქმებლებთან. შეხვედრა მიეძღვნა საქართვერლოში პროფესიული განათლების დუალური მოდელის გაცნობას, მისი დანერგვის მიმდინარეობას. იყო საუბარი პროფესიულ განათლებაში არსებულ ჩიხებსა და მათი გამოსწორების გზებზე. მოეწყო პროფესიულ-საგანმანათლებლო დაწესებულებათა და კერძო სექტორს შორის თანამშრომლობის არსებული და სამომავლო გზების კვლევის პრეზენტაცია. რომელიც, საქართველოს სავაჭრო-სამრეწველო პალატის შეკვეთით, მოამზადა ჯგუფმა „ჯეპრა“-მ. პროგრამით გათვალისწინებულ საკითხებზე ვრცლად ისაუბრეს საქართველოს სავაჭრო-სამრეწველო პალატის პრეზიდენტმა ნინო ჩიქოვანმა, სსიპ „სპექტრის“ დირექტორმა მათე ტაკიძემ. ზოგიერთი მიდგომების შესახებ შეხვედრაზე თავისი პოზიცია გამოხატეს ბათუმის სამედიცინო აკადემიის დირექტორმა რევაზ უზუნაძემ, შორენა უზუნაძემ (დირექტორის მაოდგილე), მზია ბაკურიძემ (აკადემიის სტრატეგიული განვითარებისა და ხარისხის უზრუნველყოფის მენეჯერი).

         დაისვა კითხვები. შეხვედრა მიმდინარეობდა აზრთა გაზიარების რეჟიმში.

წინა საახალწლოდ 26 დეკემბერს ბათუმის სამედიცინო აკადემიაში დიდი ჟრიამული იყო. სასწავლებლის სტუდენტთა გაერთიანების ინიციატივით მოეწყო საახალწლო კარნავალი. ვიქტორინა-კონკურსში მონაწილეობას იღებდა ფარმაცევტისა და პრაქტიკოსი ექთნის საგანმანათლებლო პროგრამების სტუდენტებისაგან შემდგარი ოთხი გუნდი: „მერცხლები“, „თალმუსი“, „მედიკოსები“, „სელებრითი“. კონკურს თვალყურს ადევნებდა და შეფასებებს აძლევდა ჟიური. ვიქტორინა შედგებოდა საინტერესო მრავალფეროვანი „თავსატეხი“ კითხვებისაგან. ღონისძიების დამდგმელი და წამყვანი იყო მზია ბაკურიძე (აკადემიის ხარისხის უზრუნველყოფის მენეჯერი). სტუდენტებმა - ნანა ცეცხლაძემ, ქეთი კუჭავამ წაიკითხეს საკუთარი ლექსები, „ჩანაწერები დღიურიდან“. ჟიურის შეფასებით პირველი საპრიზო ადგილი დაიკავა გუნდმა „მერცხალმა“. გუნდის წევრები, - მაია დავითაძე (კაპიტანი), მარინა მოწყობილი, დიანა ამაღლობელი, ანა კონცელიძე, დიანა ვაშაყმაძე, მარიამ დიასამიძე, ნანა ცეცხლაძე, ნინო თურმანიძე. მეორე, მესამე საპრიზო ადგილები ერგოთ გუნდებს „თალმუსი“ და „მედიკოსებს“ აკადემიის დირექტორმა რევაზ უზუნაძემ მადლობა გადაუხადა სტუდენტებს „რითაც წინასაახალწლოდ სტუდენტებმაც იხალისეს და ჩვენც კარგად გავერთეთ“ აღნიშნა მან. წარმატებული გუნდები დაჯილდოვდნენ აკადემიის ქების სიგელებით.სტუდენტებს აქტიურობა შეუქეს და მიულოცეს მედცენტრის კლინიკურმა დირექტორმა დეა ქაჯაიამ, უფროსმა ექთანმა ქეთევან დიასამიძემ, აკადემიის ხარისხის უზრუნველყოფის მენეჯერმა მზია ბაკურიძემ. დარბაზში დიდხანს გრძელდებოდა თეთრხალათიან გოგონების ჟრიამული.

პროფესიულ მასწავლებელთა ტრენინგ-სემინარი აკადემიაში

            მოდულური პროგრამების განმახორციელებელ პროფესიულ მასწავლებელთა კომპეტენციის ასამაღლებლად, სამოქმედო გეგმის ფარგლებში, ბათუმის სამედიცინო აკადემიაში დაიგეგმა ტრენინგ-სემინარების ციკლი. რომელიც ხორციელდება სასწავლებლის კომპეტენტური სპეციალისტების მეშვეობით. შემუშავებულია მუშაობის გეგმა-გრაფიკი. აკადემიის დირექტორ რევაზ უზუნაძის განცხადებით, - ტრენინგ-კურსების წარმატებულ მონაწილეებს გადაეცემათ სერთიფიკატები. პირველი ტრენინგ-სემინარი ჩატარდა თემაზე „შეფასების ინსტრუმენტების შემუშავება“ რომელიც წარმოადგინა აკადემიის ხარისხის უზრუნველყოფის მენეჯერმა, განათლების ხარისხის განვითარების ცენტრის სპეციალისტმა მზია ბაკურიძემ. შესაბამისი მასალების გამოყენებით განიხილა შეფასების ინსტრუმენტის ყველა კომპონენტი. ცალკეულ საკითხებზე განმატრებებს აკეთებდა სასწავლო პროცესის მართვის მენეჯერი ინგა შალამბერიძე, სემინარული მუშაობა მიმდინარეობდა გამახორციელებელთა აქტიური ჩართულობით. სემინარის მონაწილეებს შესასრულებლად მიეცათ დავალება, შემდეგ შეხვედრაზე განსახილველად.

დასაქმების სახელმწიფო პროგრამით აკადემიის  კურსდამთავრებულთა გამოშვება

       10 დეკემბერს დამთავრდა ბათუმის სამედიცინო აკადემიის ბაზაზე მოქმედი „სამუშაოს მაძიებელთა მომზადება-გადამზადებისა და კვალიფიკაციის ამაღლების სასერთიფიკატო პროგრამა „პრაქტიკოსი ექთანი“ . მოეწყო კურსდამთავრებულთა მორიგი გამოშვება. კურსის წარმატებით დასრულებისათვის სერთიფიკატები გადაეცათ მოსარგებლეებს, - მაია აბუსელიძეს, ირინე ბერიძეს, გულნაზ ბოლქვაძეს, თამარ გასვიანს, თინათინ დარცმელიძეს, ეკატერინე პატარიძეს, ანანო ფარტენაძეს, თეა ჯავახიძეს.  კურსის მუშაობა შეაჯამა აკადემიის დირექტორმა რევაზ უზუნაძემ. აღნიშნა: მოსარგებლეთა პასუხისმგებლობა, მოტივაცია-მონდომება ხანმოკლე დროის ფარგლებში მიეღოთ მეტი ცოდნა-გამოცდილება. ამდენად ნაყოფიერი იყო ჯგუფის მუშაობა. შესაბამისად, ნაწილმა მედცენტრისაგან მიიღო შეთავაზება სტაჟირებაზე ჩართულობისა დასაქმების პერსპექტივით. მოსარგებლეებს პროგრამის წარმატებით დასრულება მიულოცეს ინგა შალამბერიძემ, (პროგრამის ხელმძღვანელი), შორენა უზუნაძემ (დირექტორის მოადგილე), მზია ბაკურიძემ (ხარისხის უზრუნველყოფის სამსახურის მენეჯერი), დალი ბერიძემ (დასაქმების სააგენტოს ბათუმის ცენტრის მთავარი სპეციალისტი), პროგრამის განმახორციელებლმა პედაგოგებმა, - ქეთევან ნოზაძემ, მარინა ცეცხლაძე, ნინო ცინცაძემ, ნარგიზ ბუცხრიკიძემ. მოსარგებლეებმა კმაყოფილება გამოთქვეს აკადემიაში არსებული შესანიშნავი პირობების გამო, რამაც მათ მისცა შესაძლებლობა წარმატებით გაევლოთ პროგრამული კურსი. გამოხატეს მადლიერება პერსონალის მიმართ.   დასარულს გაიჭრა ტორტი.

შიდსის დღისადმი მიძღვნილი ღონისძიება აკადემიაში

შიდსის საერთაშორისო დღესთან დაკავშირებით ბათუმის სამედიცინო აკადემიაში ჩატარდა თემატური ღონისძიება ,,ივ - ინფექცია, შიდსის პრობლემა საქართველოში“. მასში აქტიური მონაწილეობა მიიღეს ,,პრაქტიკოსი ექთნის“ პროფესიული საგანმანათლებლო პროგრამის I-II და III სასწავლო წლის სტუდენტებმა. მოხსენებებით გამოვიდნენ სტუდენტები: ქეთევან ირემაძე (,,შიდსი და ჩვენი საზოგადოება“), დიანა გობაძე, ,,შიდსის გავრცელების რისკ-ფაქტორები საქართველოში“), ნათია აზნაურიშვილი (,,შიდსის პრობლემები საქართველოში“). დისკუსიაში აქტიურად ჩაერთნენ სტუდენტები, - ნანი ქამაშიძე, თამთა გოგია, დიანა აბულაძე, მაია დავითაძე, ნარგიზ თავართქილაძე. ღონისძიებას უძღვებოდა აკადემიის ხარისხის უზრუნველყოფის სამსახურის მენეჯერი მზია ბაკურიძე. ღონისძიების ორჰგანიზატორი - სოფო ბრაკადემიის დირექტორმა რევაზ უზუნაძემ აღნიშნა, ,,რომ, სასწავლებლის სტუდენტ-ახალგაზრდობის, როგორც მომავალი მედიკოსების, ყურადღების არეშია ცხოვრების ყველა მნიშვნელოვანისააკითხი. საამაყო და მისაბაძია თითოეული სტუდენტის მოქალაქეობრივი თვითშეგნება“. მადლობა გადაუხადა სტუდენტებს და ორგანიზატორებს ღონისძიების მომზადებასა და აქტუალურად ჩართულობისათვის.

ბათუმის სამედიცინო აკადემია. ფარმაცევტის თანაშემწე პირველი სასწავლო წელი. მოდული - რეცეპტში მოცემული ინფორმაციის წაკითხვა/განმარტება. სწავლის შედეგი პირველი. მოდულის განმახორციელებელი პროფესიული მასწავლებელი ინგა ვარდიძე.

შეხვედრა აჭარის სავაჭრო-სამრეწველო პალატაში

           პროფესიულ განათლებაში დუალური სწავლების დანერგვის პროექტის ფარგლებში, აჭარის ა.რ. სავაჭრო-სამრეწველო პალატაში გაიმართა შეხვედრა ბათუმში მოქმედ პროფესიულ-საგანმანათლებლო დაწესებულებათა წარმომადგენლებთან. ასსპა-ს თავმჯდომარე თამაზ შავაძე, თავმჯდომარის მოადგილეები თამაზ თურმანიძე, ასლან ლორთქიფანიძე დამსწრეთ ესაუბრენ სხვა ქვეყნების გამოცდილებიდან გამომდინარე დუალური სწავლების არსზე , აჭარის რეგიონში მის დასანერგად პირობების მომზადების შესახებ.   შეხვედრაში მონაწილეობას ღებულობდნენ ბათუმის სამედიცინო აკადემიის დირექტორი რევაზ უზუნაძე, დირექტორის მოადგილე შორენა უზუნაძე, სტრატეგიული განვითარებისა და ხარისხის უზრუნველყოფის სამსახურის მენეჯერი მზია ბაკურიძე.მათ აღნიშნეს, რომ დარწმუნებული არიან შრომაზე დაფუძნებულ სწავლებაზე გადასვლა დიდად შეუწყობს ხელს შრომის ბაზრისათვის უფრო კვალიფიციური სპეციალისტების მომზადებას. ამ მხრივ გარკვეული გამოცდილება აკადემიასაც დაუგროვდა. როგორც საჯარო ასევე კერძო პროფესიულ დაწესებულებებში დუალური სწავლების სრულფასოვანი განხორციელებისათვის საჭიროა ჩატარდეს შემდეგი სამუშაოები:

•     პროექტის განსახორციელებლად ერთნაირი პირობები უნდა შეექმნათ საჯარო და კერძო პროფესიულ დაწესებულებებს.
•     კერძო პროფესიული სასწავლებლის სტუდენტს მიეცეს "პროფესიული სტუდენტის" ვაუჩერი (პროფესიული სტუდენტისათვის შეიქმნას ერთიანი ვაუჩერული სისტემა). რაც დაეხმარება კერძო პსდ დუალური სწავლების განსახორციელებლად უზრუნველყონ ფინანსური სტაბილურობა.
•         სრულყოფას საჭიროებს საექთნო და ფარმაციის მიმართულებების პროფესიული საგანმანათლებლო პროგრამები.
•        პროგრამების სრულყოფა-შემუშავება უნდა მოხდეს განმახორციელებელთა და დამსაქმებელთა პოზიციების ურთიერთ შეჯერების საფუძველზე.
•        გადახედვას საჭიროებს "ფარმაცევტის თანაშემწის" (IV საფეხური) საგანმანათლებლო პროგრამის კომპეტენცია და კვალიფიკაცია.
•        პსდ სტუდენტს მიეცეს უწყვეტი პროფესიული განათლების მიღების შესაძლებლობა.
•        სახელმწიფოს ხელშეწყობით საჭიროა გაძლიერდეს სკოლებში პროფორიენტაციის პროპაგანდა.
•        საერთო ინტერესებიდან გამომდინარე პროფესიული პროგრამების განმახორციელებელსა და დამსაქმებელ დაწესებულებებს შორის საქმიანი, პარტნიორული ურთიერთობის ჩამოყალიბება.
•       პროფესიულ განათლებაში არსებული ჩიხების გამოსწორების და დუალური სწავლებისათვის სათანადო პირობების მომზადების უზრუნველსაყოფად შეხვედრაზე გადაწყდა: პროფესიულ სასწავლებლების, დამსაქმებელი დაწესებულებების წარმომადგენელთა ჩართულობით ასსპა-სთან შეიქმნება საკორდინაციო საბჭო.

შეხვედრა განათლების ექსპერტებთან

             1 ნოემბერს, პროფესიულ სასწავლებელ   „ახალი ტალღის“ ბათუმის ოფისში გაიმართა აჭარის რეგიონში მოქმედ ცალკეულ პროფესიულ სასწავლებელთა ხელმძღვანელ პირებთან შეხვედრები განათლების ხარისხის განვითარების ეროვნული ცენტრის წარმომადგენლებთან, - ნინო მეგრელთან, საბა ელაშვილთან. შეხვდრის მიზანი იყო ცენტრის ექსპერტებს მოესმინათ პროფესიულ საგანმანათლებლო დაწესებულებათა წარმომადგენლების, როგორც განმახორციელებელთა აზრი მოქმედი ცალკეული პროგრამების დადებითი თუ სუსტი მხარეების შესახებ და მათი ხედვები, - თუ რა უნდა გაკეთდეს პროფესიულ საგანამანათლებლო პროგრამების შემდგომი სრულყოფისათვის. ბათუმის სამედიცინო აკადემიიდან შეხვედრაში მონაწილეობდნენ რევაზ უზუნაძე, (დირექტორი), შორენა უზუნაძე (დირექტორის მოადგილე), მზია ბაკურიძე (სტრატეგიული განვითარებისა და ხარისხის უზრუნველყოფის მენეჯერი). შეხვედრაზე აკადემიის წარმომადგენლებმა გაამახვილეს ყურადღება ფარმაციის და საექთნო მიმართულებების პროგრამებზე. აღინიშნა, რომ გადახედვას საჭიროებს „ფარმაცევტის თანაშემწის“ პროგრამის კომპეტენცია, კვალიფიკაცია. პროგრამის სრულყოფის საფუძველზე უნდა გაიზარდოს მისი ცენზი. სწორი იქნება პროგრამის სახელწოდებად გამოვიტანოთ „ფარმაცევტის“ საგანმანათლებლო პროგრამის IV თუ V საფეხური.გამოითქვა შენიშვნები „სააფთიაქო ფარმაციის“ (V საფეხური) პროგრამასთან დაკავშირებით. კერძოდ, საუბარია პროგრამაში შეტანილ წამლების დამზადების საკითხებზე, რაც პროფესიულ სასწავლებელთა პირობებში შეუძლებელი და გაუმართლებელია. საჭიროა გადაიხედოს საექთნო საქმის და ფარმაციის V საფეხურის პროგრამებში მითითებული მატერიალური რესურსების ჩამონათვალი. რომელშიც მითითებულია ძნელად საშოვარი და ძვირად ღირებული ტექნიკური საშუალებები. იყო საუბარი საბაზო განათლებულთათვის სამედიცინო ფარმაცევტული მიმართულებების პროგრამებზე ხელმისაწვდომობის პრობლემებთან დაკავშირებით. უნდა გაიზარდოს „ექთნის თანაშემწის“ კომპეტენცია, დასაქმების პერსპექტივა, V საფეხურზე სწავლის გაგრძელების სახით უწყვეტი განათლების მიღების შესაძლებლობა. სასურველია პროგრამას შეეცვალოს სახელწოდება „უმცროსი ექთნის“ სახით. იყო საუბარი პროფესიულ განათლებაში ერთიანი ვაუჩერული სისტემის შექმნასა და სხვა საკითხებზე.       დადებითი შეფასება მიეცა ცენტრის მიდგომებს, რომ პრობლემატიკის შესწავლას იწყებს განმახორციელებელ და დამსაქმებელი დაწესებულებათა მიდგომების შეჯერების საფუძველზე.

დანერგვის მხარდეჭერის სპეციალისტის ვიზიტი აკადემიაში

           26-28 ოქტომბერს ბათუმის სამედიცინო აკადემიაში ვიზიტით იმყოფებოდა განათლების ხარისხის განვითარების ეროვნული ცენტრის დანერგვის მხარდაჭერის სპეციალისტი ია გიგიბერია. ვიზიტი მიზნად ისახავდა დაწესებულებაში არსებული ხარისხის შიდა უზრუნველყოფის სტრუქტურის და მექანიზმების შეფასების მდგომარეობის გაცნობას. (მენეჯერი მ.ბაკურიძე) მუშაობას, შიდა მონიტორინგისა და მიმდინარე სასწავლო წლის სამოქმედო გეგმებს. გაესაუბრა შიდა მონიტორინგის ჯგუფის წევრებს (შორენა უზუნაძე - ადმინისტრაციის წარმომადგენელი; მზია ბაკურიძე - ხარისხის უზრუნველყოფის მენეჯერი, ჯგუფის კოორდინატორი; ინგა შალამბერიძე - პროგრამების განხორციელებაზე პ / მგ.პირი; ქეთევან ნოზაძე - «პრაქტიკოსი ექთნის» მოდულური საგანმანათლებლო პროგრამის განმახორციელებელი;ინგა ვარდიძე - "ფარმაცევტის თანაშემწის" მოდულური საგანმანათლებლო პროგრამის განმახორციელებელი). გაეცნო მოდულური პროგრამების განხორციელების პირობებს. აღინიშნა, რომ - . სასწავლებელს აქვს შესაბამისი პირობები გარკვეული მიმართულებით, თუნდაც "პრაქტიკოსი ექთნის" მოდულური პროგრამა გადაიყვანოთ დუალურ სწავლებაზე » . დაინტერესდა სასწავლო პროცესის მიმდინარეობით . დაესწრო მეცადინეობებს . ჰონდა შეხვედრა-გასაუბრება განმახორციელებლებთან, სტუდენტებთან პროფესიულ დიდი ყურადღება დაეთმო პროფესიული საგანმანათლებლო დაწესებულებების ავტ რიზაციის სტანდარტების გაცნობას - განხილვას.ადმინისტრაციული პერსონალის, პროფესიულ მასწავლებელთა ჩართულობით განხილული იქნა ახლებური მიდგომები საკითხებისადმი: პსდ-ს მისია, სტრატეგიული განვითარების გეგმა, საგანმანათლებლო პროგრამები, პროფესიული სტუდენტები და მათი მხარდამჭერი ღონისძიებები, ადამიანური რესურსები, მატერიალური, საინფორმაციო და ფინანსური რესურსები. შეჯამდა გარე მხარდაჭერის ეგიდით სამდღიანი მუშაობის შედეგები. აკადემიის დირექტორ რევაზ უზუნაძის შეფასებით, - ექსპერტ ია გიგიბერიას ვიზიტი იყო ნაყოფიერი. იგი განხორციელდა აზრთა ურთიერთგაზია რების, საქმიანი კონსულტირების რეჟიმში.